நடிகர் சிபி சத்யராஜ் கதாநாயகனாக நடிக்கும் 20ஆவது படத்தை அறிமுக இயக்குநர் பாண்டியன் ஆதிமூலம் இயக்குகிறார்.
பிக் பிரிண்ட் பிக்சர்ஸ் சார்பில் கார்த்திகேயன் தயாரிக்கும் இப்படத்திற்கு பிரபல இசையமைப்பாளர் வித்யாசாகரின் மகன் ஹர்ஷ வர்தன் இசையமைக்க உள்ளார்.
இவர் ஏ.ஆர்.ரஹ்மான், ஜி.வி.பிரகாஷ், தமன் போன்ற பல முன்னணி இசையமைப்பாளருடன் பணியாற்றியிருக்கிறார்.
இப்படத்தில் பின்னணி இசைக்கு அதிக வாய்ப்பு இருப்பதால் இந்தப் படத்தை ஆர்வத்துடன் ஒத்துக் கொண்டதாக அவர் தெரிவித்துள்ளார்.
படத்தில் பணியாற்ற இருக்கும் மற்றைய கலைஞர்கள் குறித்து விரைவில் அதிகாரப்பூர்வமாக அறிவிப்பு வெளியாகும் என படக்குழு தரப்பிலிருந்து தெரிவிக்கப்பட்டுள்ளது.
