உலகக் கிண்ண மகளிர் கிரிக்கெட் தொடரில் எந்த மாற்றமும் இல்லை!!

கொவிட்-19 பரவல் காரணமாக, மகளிர் உலகக் கிண்ணக் கிரிக்கெட் தொடரில் எந்த மாற்றமும் செய்யப்படமாட்டாது என்று அறிவிக்கப்பட்டுள்ளது.

நியூசிலாந்தில் மார்ச் மாதம் 4ஆம் திகதி இந்தத்தொடர் ஆரம்பமாகிறது.

எனினும் ஒமைக்ரொன் திரிபு நியூசிலாந்தில் அதிகமாகப் பரவியதன் காரணமாக தற்போது அங்கு கொவிட் கட்டுப்பாட்டு நடவடிக்கைகள் அமுலாக்கப்பட்டிருக்கின்றன.

இந்த நிலையில் மகளிர் உலகக்கிண்ண கிரிக்கெட் தொடரின் மைதானங்கள் மற்றும் திகதிகளில் மாற்றங்கள் ஏற்படலாம் என்று கருதப்பட்டது.

எவ்வாறாயினும் அதில் எந்த மாற்றங்களும் இன்றி குறிக்கப்பட்டபடியே போட்டித் தொடர் நடத்தப்படும் என்று சர்வதேச கிரிக்கெட் பேரவை அறிவித்துள்ளது.