யாழ். மத்திய கல்லூரிக்கு பழைய மாணவர்களால் பேருந்து ஒன்று அன்பளிப்பு செய்யப்பட்டுள்ளது. உலகமெங்கும் பரந்து வாழும் யாழ். மத்தியின் மைந்தர்கள் என அழைக்கப்படும் பழைய மாணவர்களால் ஒன்றிணைந்த செயற்பாடாக 80 இலட்சம் பெறுமதியுடைய இந்தப் பேருந்து வழங்கிவைக்கப்பட்டுள்ளது.
யாழ். மத்திய கல்லூரிக்கு மாணவர்களின் பயன்பாட்டிற்காகவும், பாடசாலையின் பயன்பாட்டிற்காகவும் நீண்ட காலமாக அவசிய தேவையாக காணப்பட்ட இவ் உதவியினை பழைய மாணவர்கள் இவ்வாரம் வழங்கிவைத்துள்ளனர். மாணவர்களின் அடைவுமட்டம், பெறுபேற்று வீதம் என்பவற்றை அதிகரிக்கும் தூரநோக்கினை அடிப்படையாக கொண்டும் இவ் உதவி வழங்கப்பட்டுள்ளது.
பாடசாலை வளர்ச்சியில் அக்கறையம் கவனிப்பும் கொண்டுள்ள இந்த பழைய மாணவர்களை பாடசாலைச் சமூகமும் நலன்விரும்பிகளும் பெற்றோர் ஆசிரியர் சங்கத்தினரும் பாராட்டியுள்ளனர்.
இவ்வாறான பழைய மாணவர்களின் உதவிகள் பாடசாலை வளர்ச்சியில் பெரும் பங்காற்றுகின்றன. ஒவ்வொருவரும் தாம் கற்ற பாடசாலைகளை இவ்வாறு நேசித்தால் எமது கல்விப்புலம் எழுர்ச்சிகொள்ளும்….வளர்ச்சி பெறும்.
யாழ் மத்தியின் மைந்தர்களுக்கு ஐவின்ஸ் இணையதளமும் தனது பாராட்டுகளைத் தெரிவித்துக் கொள்கின்றது.
