வரலாற்று முக்கியத்துவமுடைய வெற்றியைப் பெற்றுக் கொடுத்த மத்தியின் கிரிக்கெட் குழுவுக்குப் பாராட்டு விழா!!    (முழுமையான விபரம் உள்ளே)

அகில இலங்கைப் பாடசாலைகள் துடுப்பாட்டச் சங்கம் நடத்திய 19 வயதின்கீழ் துடுப்பாட்ட அணியினருக்கான பிரிவு 3 Aக்கான ( Tier) தேசிய ரீதியான போட்டியில் யாழ் மத்திய கல்லூரி அணி இறுதிப் போட்டியில் வெற்றி பெற்று பிரிவு 2 Bக்கு தரம் உயர்த்தப்பட்டதையிட்டு துடுப்பாட்ட வீரர்களை கௌரவிக்கும் நிகழ்வு 18.04.2023 அன்று காலை 7.30 மணிக்கு கல்லூரி முன்றலில் அதிபர் திரு.சி.இந்திரகுமார் தலைமையில் இடம்பெற்றது.

சாதனையாளர்களான விளையாட்டு அணி வீரர்கள், அதிபர், பிரதிஅதிபர். உபஅதிபர்களால் மாலையணிவிக்கப்பட்டு பாண்ட் வாத்தியத்துடன் ஆரம்ப பிரிவு வளாகத்தில் இருந்து கல்லூரி முன்றல் வரை அழைத்து வரப்பட்டு கௌரவிக்கப்பட்டனர்.

மாணவர்களின் மகத்தான ஆட்டச் செயற்பாடு போற்றப்பட்டு அவர்களுக்கான சான்றிதழ்களும் வழங்கப்பட்டன. வீரர்களை பொறுப்பாக வழிநடத்திச் சென்ற விளையாட்டுப் பொறுப்பாசிரியர். அணிப் பொறுப்பாசிரியர். பயிற்றுவிப்பாளர்களும் மாலையணிவித்து கௌரவிக்கப்பட்டனர்.

மேலும் வெற்றிக்காக உழைத்த விளையாட்டுத் துறை ஆசிரியர்கள் மற்றும் கல்விசாரா ஊழியர்கள் அனைவரும் பாராட்டைப் பெற்றனர்.

இப்போட்டியில் பங்குபற்றி சிறப்பாக மாணவர்கள் வெற்றிபெற யாழ்ப்பாணம் மத்திய கல்லூரி லண்டன் பழைய மாணவர் சங்கம் ,யாழ் பழையமாணவர் சங்கம். கொழும்பு பழைய மாணவர் சங்கம். என்பன அனுசரனை வழங்கியமை குறிப்பிடத்தக்கது. மிக குறிப்பாக வெளிமாவட்டங்களில் விளையாடிய 4 இற்கு மேற்பட்ட போட்டிகளுக்கு தேவையான பெருந்தொகையான நிதியை அனுசரனை செய்து மாணவர்களை ஊக்குவித்தமை
குறிப்பிடத்தக்கது.

இந்த வெற்றியை அடைய
யாழ் மத்திய கல்லூரி அணி 5 பிரபல சிங்கள பாடசாலைகளுடனும் யாழ்மாவட்ட பாடசாலைகள் 3 பாடசாலைகளுடனும் மோதி பலதடைகளை தாண்டி களமாடி சாதித்தமை குறிப்பிடத்தக்கது . இந்த அடைவு ஆனது வரலாற்று முக்கியத்துவம் மிக்கதாக கிரிக்கெட் ஆர்வலர்கள் தெரிவிக்கின்றனர்.