1500 க்கும் மேற்பட்ட மாணவர்கள் நேரடியாக கலந்து கொண்ட புலமைப்பரிசில் மாணவர்களுக்கான கருத்தரங்கு!!
Seminar
அமரர். ஆசிரியர் வே. அன்பழகன் ஞாபகார்த்தமாக தரம் 5 புலமைப்பரிசில் மாணவர்களுக்காக ஐவின்ஸ் தமிழ் இணைய தளம் முன்னெடுக்கும் கருத்தரங்கின் நான்காவது வினாத்தாள் வழிகாட்டல் வகுப்பு (15.09.2023) அன்று நடைபெற்றது.
குறித்த கருத்தரங்கில் புலமைத்தேடல் வெளியீட்டு ஆசிரியர் திரு. செ.நிசாந்தன் அவர்களின் தயாரிப்பு வினாத்தாள் வகுப்புகள் இடம்பெற்றன.
ஐவின்ஸ் தமிழ் இணையதள கல்விப் பகுதி பொறுப்பாசிரியர் திரு. இ. ஜனதன் தலைமையில் ஆரம்பமான கருத்தரங்கில்,
முதல் நிகழ்வாக ஆசிரியர் அன்பழகன் அவர்களின் ஆத்ம சாந்திக்காக வேண்டி மாணவர்கள் தத்தமது இல்லங்களில் நின்றவாறே முன்னெடுத்த அகவணக்கம் இடம்பெற்றது.
இந் நிகழ்வில் பிரதம விருந்தினராக யாழ். இந்து ஆரம்ப பாடசாலை முன்னாள் அதிபர் சு. தியாகலிங்கம் அவர்கள் கலந்து கொண்டு கருத்துரை வழங்கியிருந்தார்.
தொடர்ந்து, கருத்தரங்கு முன்னெடுக்கப்பட்டது. இந்த ஆரம்ப நிகழ்வில் 1500 க்கு மேற்பட்ட மாணவர்களும் பெற்றோர்களும் சூம் ஊடாக நேரடியாக இணைந்து கொண்டனர்.
நாடு முழுவதும் 10 000 இற்கு மேற்பட்ட வினாத்தாள்கள் பிரதி செய்யப்பட்டு பல்லாயிரம் மாணவர்கள் பயன் பெற்று வருகின்றனர் என்பதுடன் இக்கருத்தரங்கினை பாடசாலை ரீதியாக மாணவர்கள் குழுவாக இணைந்திருந்து இணையத்திரையில் கற்றுள்ளதாகவும் எமக்கு அறிய கிடைத்துள்ளமை குறிப்பிடத்தக்கது.
