உலகம் முழுவதும் பல விழாக்கள், கொண்டாட்டங்கள் இருந்தாலும் புத்தாண்டு கொண்டாட்டம் என்பது உலகத்தில் உள்ள அனைவர்களுக்கு பொதுவான ஒன்றாக இருக்கிறது. எனவேதான், அனைத்து நாட்டினரும் புத்தாண்டை வரவேற்று கொண்டாடுகிறார்கள்.
தமிழகத்திலும் புத்தாண்டு கொண்டாட்டங்கள் களை களை கட்ட துவங்கியது. ஆனால், கொரோனா மற்றும் ஓமிரான் வைரஸ் பரவலை தடுப்பதற்காக தமிழக அரசு கொண்டாட்டங்களுக்கு தடை விதித்துள்ளது. எனவே, புத்தாண்டு வாழ்த்து கூற சமூக வலைத்தளங்களை பயன்படுத்தி வருகின்றனர்.
இந்நிலையில், இசைஞானி இளையாராஜா அவர் இசையமைத்த புத்தாண்டு பாடலான ‘இளமை இதோ இதோ’ பாடலை பாடி எல்லோருக்கும் வாழ்த்து கூறி தனது டிவிட்டரில் வீடியோ வெளியிட்டுள்ளார்.இந்த வீடியோ நெட்டிசன்களிடையே வரவேற்ப பெற்றுள்ளது.
கமல்ஹாசன் நடித்த சகலகலா வல்லன் படத்தில்‘இளமை இதோ இதோ’ பாடல் இடம் பெற்றது. இந்த பாடலை இளையராஜா இசையமைத்து 40 வருடங்கள் ஆகிவிட்டது. ஆனாலும், அதை விட சிறப்பான புத்தாண்டு பாடல் இதுவரை வெளிவரவில்லை என்பது குறிப்பிடத்தக்கது.
