நெல்லியடி மத்திய பேருந்து நிலையத்தில் பிளாஸ்ரிக் போத்தல்கள், பொலித்தீன்களைப் போடுவதற்கான கூடை வடிவிலான கூடு ஒன்று நெல்லியடி சதுரங்க சங்கத்தின் ஏற்பாட்டில் வைக்கப்பட்டுள்ளது. இதன் காரணமாக அவ்விடத்தில் வெற்று பிளாஸ்ரிக் போத்தல்கள் எதுவும் வெளியில் காணப்படவில்லை என்பதுடன் அவ்விடம் மிகவும் சுத்தமான முறையில் உள்ளமையையும் காணமுடிகின்றது.
நெல்லியடி மத்திய கல்லூரி, ஹாட்லிக்கல்லூரி, உடுப்பிட்டி அமெரிக்கன்மிஷன் பாடசாலை, விக்னேஸ்வரா கல்லூரி ஆகிய பாடசாலைகளின் மாணவர்களின் ஒன்றிணைந்த செயற்பாடே இதுவாகும்.
அறமும் ஒழுக்கமும் சமுதாயப்பண்பும் தூரநோக்குச் சிந்தனைகளும் கொண்டவர்களாலேயே இவ்வாறான சமூகப்பணிகளை முன்னெடுக்கமுடியும். இவர்களின் இந்த முன்மாதிரியான செயற்பாட்டிற்கு பாடசாலைகளின் பங்கு மிக இன்றியமையாத ஒன்றாகும்.
இந்த மாணவர்களைப் பாராட்டுவதுடன், பாடசாலைகளுக்கும் பெற்றோர்களுக்கும் ஐவின்ஸ் இணையதளம் சார்பில் வாழ்த்துக்களையும் நன்றிகளையும் தெரிவித்துக் கொள்கின்றோம்.
