ஐவின்ஸ் தமிழ் செய்தி இணையதள கல்விப் பிரிவு மற்றும் வளர்மதி கல்விக் கழகம் இணைந்து பிரணவன் அறக்கட்டளையின் அனுசரணையுடன் நடாத்தும் சாதாரண தரப் பரீட்சை எழுதவுள்ள தென்மராட்சி மாணவர்களுக்கான நேரடி கருத்தரங்கில் இன்றைய தினம் ( 11.05.2023 – வியாழக்கிழமை ) விஞ்ஞான பாட கருத்தரங்கு நடைபெறவுள்ளது.
யாழ். நகர முன்னணி ஆசிரியரான திரு. என். மகேந்திரன் ( யா/ அரியாலை கிழக்கு தமிழ் கலவன் பாடசாலை) அவர்கள், விஞ்ஞான பாட வினாத்தாள் பற்றிய எதிர்பார்ப்பு வினாக்கள் குறித்தும் விடையளிக்கும் முறைகள் குறித்தும் தெளிவாக விளக்கவுள்ளார்.
இக் கருத்தரங்கானது ஐவின்ஸ் தமிழ் யூரியூப் தளத்தில் நேரடியாகவும் ஒளிபரப்பப்படவுள்ளதால் நாடு பூராகவுமுள்ள மாணவர்கள் இணைந்து பயன்பெறுமாறு மட்டுவில் வளர்மதி கல்விக் கழகத்தினரும் ஐவின்ஸ் தமிழ் இணைய தளத்தின் கல்விப் பிரிவினரும் தெரிவித்துள்ளனர்.
