நடிகர் ராஜு ஜெயமோகன், தான் ஒரு விஜய் ரசிகன் என்று பலமுறை தனது உரையாடல்கள் மற்றும் பேட்டிகள் மூலம் தெரிவித்துள்ளார்.
விஜயை சந்திக்க வேண்டும் என்ற தனது நீண்ட நாள் ஆசையைக் கொண்டிருந்த ராஜு, பிக்பொஸ் வெற்றியின் பின்னர் அவரை சந்தித்திருந்தார்.
விஜய்யின் நண்பன் படத்தில் ராஜு ஜெயமோகன் நடிக்கவிருந்த நிலையில், சில காரணங்களால் அவர் அந்த வாய்ப்பை இழந்துள்ளார்.
நண்பர் ஒருவரின் உதவியோடு ராஜு, இயக்குனர் ஷங்கரிடம் விஜய் நடிக்கும் ‘நண்பன்’ படத்தில் நடிக்க அணுகியதாக கூறப்படுகிறது.
ரின்சன் சைமன் நடித்த மில்லிமீற்றர் என்ற கதாபாத்திரம் வளர்ந்து பெரியவனாகவரும் வேடத்தில் நடிக்க ராஜு ஒப்பந்தம் செய்யப்பட்டார்.
ஆனால் அவரது கண்கள் சிறு வயது கதாபாத்திரத்துடன் பொருந்தாததால் அவர் கடைசி நேரத்தில் நிராகரிக்கப்பட்டதாக தெரிவிக்கப்பட்டுள்ளது.
எனவே முன்பு ராஜு ஜெயமோகனுக்கு வழங்கப்படவிருந்த வேடத்தில் நடிக்க விகாஸ் ஒப்பந்தம் செய்யப்பட்டார்.
