நாய் கடிக்கு உள்ளான ஒருவர் நீர்வெறுப்பு காரணமாக ஒருவர் யாழ்ப்பாணம் பண்டத்தரிப்பில் உயிரிழந்துள்ளார்.
பண்டத்தரிப்பைச் சேர்ந்த 50 வயதுடைய 4 பிள்ளைகளின் தந்தையான சபாரத்தினம் கனகலிங்கம் என்பவரே உயிரிழந்துள்ளார்.
பெப்ரவரி 16ஆம் திகதி குடும்பத்தலைவருக்கு தெரு நாய் கடித்துள்ளது. அவர் மறுநாள் காலை பண்டத்தரிப்பு பிரதேச மருத்துவமனைக்கு சிகிச்சை பெறச் சென்றுள்ளார். அவருக்கு மருத்துவரின் ஆலோசனையில் ஏற்பு தடுப்பூசி வழங்கப்பட்டுள்ளது.
இந்த நிலையில் அவர் நேற்று திடீர் சுகயீனம் காரணமாக யாழ்ப்பாணம் போதனா மருத்துவமனையில் சேர்க்கப்பட்டு சில மணிநேரங்களில் உயிரிழந்துள்ளதாக இறப்பு விசாரணையில் தெரிவிக்கப்பட்டது.
