இலங்கையில் ஏற்பட்டுள்ள பொருளாதார நெருக்கடிகள் காரணமாக நாட்டில் வாழ முடியாது எனத் தெரிவித்து தமிழர் பகுதியைச் சேர்ந்த ஆறு பேர் இன்று (27) அதிகாலை படகு மூலம் தனுஷ்கோடியை சென்றடைந்துளளளனர்.
நாட்டில் வாழ முடியாது எனத் தெரிவித்து ஏற்கனவே 130 க்கு மேற்பட்ட மக்கள் தமிழர் பகுதிகளில் இருந்து வெளியேறி தமிழ்நாட்டுக்கு அகதிகளாகச் சென்றுள்ளனர்.
அவ்வகையில் நேற்றிரவு தலைமன்னாரில் இருந்து படகு மூலம் 6 பேர் தனுஷ்கோடியைச் சென்றடைந்துள்ளனர். அகதிகளாகச் சென்றவர்களை கடலோர காவல்துறையினர் விசாரணைகளின் பின்னர் மண்டபம் அகதிகள் முகாமில் தங்கவைக்கப்பட்டுள்ளனர்.
திருகோணமலை, கிளிநொச்சி பிரதேசங்களைச் சேர்ந்தவர்களே நாட்டைவிட்டு வெளியேறியுள்ளமை குறிப்பிடத்தக்கது.
