முல்லைத்தீவு மல்லாவி பகுதியில் இடம்பெற்ற இரு இளைஞர் குழுக்களுக்கு இடையிலான தாக்குதல் சம்பவத்தில் ஒருவர் உயிரிழந்துள்ளார்.
இச்சம்பவம் மல்லாவி 4ஆம் யூனிட் திருநகர் பகுதியில் நேற்று இரவு இடம்பெற்றுள்ளது. இளைஞர் குழுக்களுக்கு இடையில் இடம்பெற்ற முரண்பாடு கைகலப்பாக மாறி ஏற்பட்ட தாக்குதல் சம்பவத்தினாலேயே ஒருவர் உயிரிழந்துள்ளார்.
தாக்குதல் சம்பவத்தில் காயமடைந்த ஆறு இளைஞர்கள் மல்லாவி வைத்தியசாலையில் சிகிச்சைக்காக அனுமதிக்கப்பட்டிருந்தனர். இருவர் மேலதிக சிகிச்சைக்காக வவுனியா வைத்தியசாலைக்கு மாற்றப்பட்டிருந்தனர். அதில் ஒருவரே சிகிச்சை பலனின்றி உயிரிழந்துள்ளார்.
இச்சம்பவம் தொடர்பில் மல்லாவி பொலிஸார் மேலதிக விசாரணைகளை மேற்க்கொண்டு வருகின்றனர்.
