யாழ்ப்பாணம் திருநெல்வேலிப் பகுதியில் இடம்பெற்ற வீதி விபத்தில் மூவர் உயிரிழந்த அவலச்சம்பவம் இடம்பெற்றுள்ளது.
திருநெல்வேலி இராமலிங்கம் வீதியிலுள்ள் பூங்கனிச்சோலைக்கு அருகில் நேற்றிரவு 10.30 மணியளவில் இவ்விபத்து இடம்பெற்றுள்ளது.
இரண்டு மோட்டார் சைக்கிள்கள் வேகக்கட்டுப்பாட்டையிழந்து எதிர் எதிரே மோதிக்கொண்டதிலேயே இவ்விபத்து இடம்பெற்றுள்ளது.
ஒருமோட்டார் சைக்கிளில் மூவரும், மற்றைய மோட்டார் சைக்கிளில் இருவரும் பயணித்துள்ளனர். விபத்து இடம்பெற்ற வேளையில் இரண்டு மோட்டார் சைக்கிள்களும் தீப்பற்றி எரிந்துள்ளன.
சம்பவ இடத்திலேயே இருவர் உயிரிழந்துள்ளனர். படுகாயமடைந்த மூவரையும் மீட்டு யாழ்.போதனா வைத்தியசாலையில் சிகிச்சைக்காக அனுமதிக்கப்பட்ட நிலையில், சிகிச்சை பலனின்றி ஒருவர் வைத்தியசாலையில் உயிரிழந்துள்ளார்.
இவ்விபத்துச் சம்பவம் தொடர்பில் கோப்பாய் பொலிஸார் மேலதிக விசாரணைகளை மேற்க்கொண்டு வருகின்றனர்.
