யாழ்ப்பாணம் சிறுப்பிட்டிப் பகுதியில் நேற்று இடம்பெற்ற வீதி விபத்தில் சம்பவ இடத்திலேயே இளைஞர் ஒருவர் உயிரிழந்துள்ளார். இன்னொருவர் படுகாயமடைந்துள்ளார்.
யாழில் இருந்து பருத்தித்துறை நோக்கி மோட்டார் சைக்கிளில் பயணித்த வேளையில், வேகக்கட்டுப்பாட்டையிழந்து சிறுப்பிட்டிப் பகுதியில் உள்ள பஸ் தரிப்பு நிலைய சுவருடன் மோதியே இவ்விபத்துச் சம்பவம் பதிவாகியு்ளளது.
சம்பவத்தில் நாயன் மார்கட்டுப் பகுதியைச் சேர்ந்த 32 வயதுடைய அரியரத்ணம் திருக்குமார் என்ற இளைஞன் சம்பவ இடத்திலேயே உயிரிழந்துள்ளார்.
நல்லூர் பண்டாரிக்குளம் பகுதியை சேர்ந்த இரட்ணசீலன் சுஜீவன் (வயது 24) என்பவர் படுகாயமயடைந்த நிலையில், யாழ்.போதனா வைத்தியசாலையில் அனுமதிக்கப்பட்டுள்ளார்.
இச்சம்பவம் தொடர்பில் பொலிஸார் மேலதிக விசாரணைகளை மேற்க்கொண்டு வருகின்றனர்.
