சுழிபுரம் மேற்கு கலைமகள் சனசமூக நிலையத்தின் பொங்கல் கலை விழா நேற்று (22) மாலை கலைமகள் கலை அரங்கில் இடம்பெற்றது.
அந்த வகையில் நிகழ்வில் தமிழர்களின் பாரம்பரிய கலைநிகழ்ச்சிகள் நடாத்தப்பட்டதோடு, கலைமகள் முன்பள்ளி, கலைமகள் இலவசக்கல்வி நிலைய மாணவர்களின் கலை நிகழ்வுகளும் நிகழ்த்தப்பட்டன.
சிறப்பு நிகழ்வாக “மகிழ்ச்சிகரமான வாழ்க்கைக்கு அந்த காலமா இந்த காலமா” எனும் விவாதமும் இடம்பெற்றது.
இந்த நிகழ்வில் சுழிபுரம் மேற்கு கிராம அலுவலர் ஜீவராஜா, சுழிபுரம் மத்தி கிராம அலுவலர் பிரதீப், அகில இலங்கை சமாதான நீதவான் கௌதமன், சமூக மட்ட அமைப்பின் பிரதிநிதிகள், மாணவர்கள், பொதுமக்கள் எனப் பலரும் கலந்து கொண்டு சிறப்பித்தனர்.
