இன்று உன்னோடு
இருப்பவர்கள் நாளை
இருப்பார்களோ தெரியா
இனிமையாய் பேசிய
இளம் வாலிபம் நெஞ்சு
இழிசொல்லால் பேசும்
இல்லை என்பவன்
இன்று இல்லாமலில்லை
இனியாம் இருப்பதும்
இல்லாமலிருப்பதும்
இயற்கையின் கையில்
இருக்கும் போதே
இழந்து வாழப்பழகு
இல்லார்க்கு இடு
இரசனையோடு வாழ்
இறப்பை நினைத்து
இன்று உன் கனவை
இழக்காதே நீ
இல்லாவிவ் உலகத்தை
இசைமீட்டி பாடாதே
இனி நீயே உலகம்
இறப்பின் நாள்
இன்றுதான் தெரிந்தும்
இறக்கையிழந்து பறக்கும்
ஈசலைப் போல் இரு
இதை நினைவில் வை
இரு கையால் இறை
இருள் நீக்கி ஒளியாகு
இகழ்வாரை விலக்கு
இலகுவில் எதுவும்
இரட்டிப்பாய் கிடைக்காது
இந்தநேரம்
இந்தநாள்
இனியெப்போதுமில்லை
இதுவரை நீ
இழந்தது போதும்
இளைஞனே எழு
இருவிழியில் உன்
இலக்கை அடை
இலவம் பஞ்சாய்
இறுதி வரை பற
இன்றில்லை நாளை
இறுதியாய் நீ வெல்வாய்….
