தியாகி பொன்.சிவகுமாரன் அவர்களின் 48வது நினைவேந்தல் நிகழ்வு இன்று (05) மதியம் 12.00 மணியளவில் உரும்பிராயில் அமைந்துள்ள நினைவுருவச்சிலைக்கு முன்பாக இடம்பெற்றது.
முதலில் நினைவுருவச்சிலைக்கு மலர்மாலை அணிவிக்கப்பட்டது. தொடர்ந்து ஒருநிமிட மெளன அகவணக்கம் செலுத்தப்பட்டது. தொடர்ந்து தீபம் ஏற்றப்பட்டு மலர்தூபி அஞ்சலி செலுத்தப்பட்டது.
அதனைத்தொடர்ந்து உரும்பிராய் பொதுமயானத்தில் அமைந்துள்ள தியாகி சிவகுமாரனின் நினைவுத்தூபிக்கு முன்பாகவும் தீபம் ஏற்றப்பட்டு, மலர்தூபி அஞ்சலி செலுத்தப்பட்டது.
தமிழ்தேசிய மக்கள் முண்ணனியின் ஏற்பாட்டில் இடம்பெற்ற அஞ்சலி நிகழ்வில், நாடாளுமன்ற உறுப்பினர் செல்வராசா கஜேந்திரன், கட்சியின் உறுப்பினர்கள் மற்றும் மக்களும் கலந்துகொண்டனர்.
